×

प्रधानमन्त्री ओलीले गरे आत्मालोचना, बामदेवलाई प्रतिनिधिसभामा लैजाने निर्णय

तामाङ आवाज


२० वैशाख, काठमाडौं । सत्तारुढ नेपाल कम्युनिस्ट पार्टी (नेकपा)को सचिवालय बैठकमा प्रधानमन्त्री एवं पार्टी अध्यक्ष केपी शर्मा ओलीले आत्मालोचना गरेका छन् ।

साथै उपाध्यक्ष बामदेव गौतमलाई उपयुक्त समयमा प्रतिनिधिसभा सदस्य बनाउने निर्णय भएको छ ।

प्रधाननमन्त्रीओलीले बामेदव गौतमलाई कोरोना महामारी सकिएपछि प्रधानमन्त्री र वरिष्ठ नेता माधवकुमार नेपाललाई तेस्रो अध्यक्ष बनाउने प्रस्ताव राखेपछि नेकपा सचिवालयको पहिलो बैठक बसेको थियो । आफ्नो सरकारी निवास बालुवाटारमा बसेको बैठकमा प्रधानमन्त्री ओलीले सरकार र पार्टी सञ्चालनमा भएको कमीकमजोरीप्रति आत्मालोचना गरेका हुन् ।

नेकपा महासचिव भन्छन्– ओलीले प्रधानमन्त्री र अध्यक्ष दुवै छाड्नुहुन्न
‘पार्टीलाई एकतावद्ध राख्ने, पार्टीलाई विधि पद्धति र कम्युनिस्ट मूल्य मान्यताअनुसार सञ्चालन गर्ने, पार्टीको मार्गनिर्देशनमा सरकार सञ्चालन गर्ने र सरकारले देश र जनताको पक्षमा समाजवाद उन्मुख सामाजिक आर्थिक रुपान्तरणको लक्ष्य हासिल गर्ने गरी काम गर्ने दिशामा दृढतापूर्वक अगाडि बढ्ने निर्णय लिएका छौं’ प्रवक्ता नारायणकाजी श्रेष्ठ प्रकाशले भने, ‘पार्टी, सरकार वा सम्बन्धित क्षेत्रहरुमा जे जति कमीकमजोरी भएका छन्, त्यसमा प्रधानमन्त्री एवं पार्टी अध्यक्ष केपी शर्मा ओलीले समेत आत्मालोचना गर्नु भएको छ ।’

अर्का अध्यक्ष पुष्पकमदल दाहाल प्रचण्ड र अरु नेताहरुले पनि आत्मालोचित भएर अगाडि बढ्ने नेकपाको निर्णय छ ।

बामदेवलाई संसदमा ल्याउने निर्णय

नेकपा सचिवालयको बैठकले उपाध्यक्ष बामदेव गौतमलाई प्रतिनिधिसभा सदस्य बनाउने निर्णय समेत गरेको छ । र, उपयुक्त समयमा प्रतिनिधिसभा सदस्य बनाउने भनिएको छ ।

ठकपछि प्रवक्ता श्रेष्ठले भने, ‘प्रतिनिधिसभाको उम्मेदवार बनाएर उहाँलाई प्रतिनिधिसभामा ल्याउन पहल गर्ने निर्णयभित्र स्वभाविक रुपमा त्यो अन्तरनिहीत छ । उहाँ प्रतिनिधिसभाको सदस्य भएर आउनु भएपछि प्रधानमन्त्री बन्ने सम्भावनाको ढोका खुल्छ ।’

बैठकले पार्टीलाई फुट उन्मुख गराउने कुनै पनि क्रियाकलापमा सहभागी नहुन नेता कार्यकर्तालाई निर्देशन समेत दिएको छ भने २५ गते स्थायी कमिटीको बैठक बोलाएको छ ।


सम्बन्धित खवर

ओली-प्रचण्डवीच ४० मिनेट कानेखुसी, माधव अझै सशंकित
२० बैशाख २०७७, शनिबार

रोल्पामा बम बिस्फोट हुँदा ४ बालबालिकाको मृत्यु
१९ बैशाख २०७७, शुक्रबार

नेकपा कार्यदलको निष्कर्ष : एमसीसी इन्डो-प्यासिफिककै अंग...
१९ बैशाख २०७७, शुक्रबार

एमसीसीबारे अतिरञ्जित प्रचार भयो : प्रदीप ज्ञवाली
१९ बैशाख २०७७, शुक्रबार

हिमपातमा बेपत्ता भएका मजदुरको १४ दिनपछि सकुशल उद्धार
१९ बैशाख २०७७, शुक्रबार

उदयपुर घर भएकै कारण अस्पतालबाट निकालिइन् गर्भवती
१८ बैशाख २०७७, बिहीबार

शहीदको सपनालाई तिलाञ्जली दिने चेष्टा नगरौं
१८ बैशाख २०७७, बिहीबार

प्रधानमन्त्रीसमक्ष १० नागरिकको ध्यानाकर्षण
१७ बैशाख २०७७, बुधबार

इतिहासमै पहिलोपटक विश्वका शतप्रतिशत पर्यटकीय गन्तव्य...
१७ बैशाख २०७७, बुधबार